INFO DO CURSO E PROGRAMA
O curso de
Monitoraxe de Actividades de Tempo Libre terá unha duración de 350 horas e
dividirase en dúas fases, unha teórico-práctica e outra fase de prácticas.
A fase teórico-práctica terá unha duración mínima de 200 horas lectivas. Esta fase realizarase seguindo unha metodoloxía activa, dinámica e participativa. Non poderá desenvolverse en menos de 20 días, nin en xornadas de máis de 10 horas diarias. O 80% do total das horas lectivas corresponderán ós contidos fixados no programa mínimo establecido no Decreto 50/2000 do 20 de xaneiro polo que se refunde e actualiza a normativa vixente en materia de xuventude, e o 20% restante adicarase a impartir as ensinanzas complementarias específicas da escola.
A fase de prácticas realizarase unha vez rematada a fase anterior. Constará dun mínimo de 14 días de actividade intensiva, que se realizará en campamentos, colonias, albergues, campos de traballo e outros, en bloques non inferiores a 3 días, ou de 150 horas de actividade periódica nunha entidade ou asociación que traballe no eido da educación no tempo libre.
As prácticas responderán a un proxecto elaborado polo participante no curso, que será orientado na súa elaboración e desenvolvemento polo titor de prácticas da escola onde realizou o curso designado a tal fin, que deberá formar parte do cadro de profesores da escola. O proxecto conterá os elementos básicos de toda intervención educativa e planificación no tempo libre. Durante o seu desenvolvemento será necesaria a existencia dun responsable de prácticas designado pola entidade receptora onde se vaia realizar, que posúa o título de monitor de actividades de tempo libre ou unha experiencia acreditada en animación socio-cultural. A fase de prácticas desenvolverase nun prazo máximo de 2 anos desde o remate da fase teórico-práctica.
Os requisitos para poder participar neste curso serán:
a) Ter cumpridos 18 anos de idade no momento de inicio
do curso.
b) Estar en posesión de, polo menos, algún dos
seguintes títulos:
a. Graduado en educación secundaria, graduado escolar
ou outro equivalente.
b. Técnico auxiliar en formación profesional ou outro
equivalente.
PROGRAMA
Módulo 1: Psicosocioloxía (25 horas)
- Psicoloxía (5 h.)
- Socioloxía (5 h.)
- O grupo. Dinámica de grupos (10 h.)
- Resolución de conflictos (5 h.)
- Metodoloxía educativa. Educación e tempo libre con colectivos especiais: maiores, persoas con discapacidade, inmigrantes… A educación emocional (5 h.)
- Educación para a paz, multiculturalidade e educación para a igualdade (5 h.)
- Metodoloxía e programación. Avaliación e deseño de actividades (5 h.)
- O educador/a de tempo libre (5 h.)
- A animación no tempo libre (2 h.)
- O xogo (8 h.)
- Veladas de animación. Seráns e lumes de acampada (5 h.)
- Expresión literaria (8 h.)
- Expresión musical (5 h.)
- Expresión dramática: corporal e oral (8 h.)
- Expresión plástica (15 h.)
- Medios audiovisuais e novas tecnoloxías aplicadas ó tempo libre (5 h.)
- Animación deportiva (5 h.)
- Obradoiro de creación de recursos (4 h.)
- Educación ambiental (15 h.)
- Interpretación do patrimonio (15 h.)
- Técnicas de campismo (5 h.)
- Seguridade e hixiene nas actividades de tempo libre (5 h.)
- Prevención das drogodependencias (5 h.)
- Socorrismo e primeiros auxilios (10 h.)
- Alimentación e nutrición. Educación para o consumo (5 h.)
- Educación sexual (5 h.)
- Lexislación (10 h.)
- Recursos e axudas (10 h.)
- Redes de información xuvenil (5 h.)